選擇二手車之前第二章

                         選擇二手車之前第二章

上次同大家講到汽車風扇水箱同自動變速箱，今次要睇引擎同出去行街街啦，一般私家車通常分幾類型引擎，有直列型引擎，V型引擎，水平對向引擎同三角轉子引擎，今次介紹係最普遍直列四汽缸引擎

，但係直列四汽缸引擎都有分兩種設計，在引擎內部有一種用正時皮帶用合成物料製造俗稱(Cam帶)

另一種都係在引擎內部係鋼鏈俗稱(Cam鏈)

，用途係把引擎活塞下傳動軸心連動引擎上方位置氣閥上軸轉動把氣閥開同關，皮帶同鏈功能作用都係一樣，但壽命就有分别，行Cam帶廠方公布大約30,000至50,000公里就要更換，更換Cam帶費用要二三千元，但行鋼鏈130,000萬先要檢查可能未必需要更換添，但通常年份比較新的車型已改用鋼鏈，但係怎樣分辨引擎係行皮帶還是行鋼鏈呢，可以睇睇引擎前方位置的上方，如果用皮帶設計會用塑膠製膠冚冚

着再用螺絲上緊方便更換，但如果用鋼鏈會用全金屬密封式設計因為需要潤滑油潤滑鋼鏈，

所以大家要留意，睇引擎前要留意火咀缐同所有電缐有無動物咬至損毁因為有好多小動物很喜歡躲藏在引擎室，

火咀缐如果損毁會引致漏電，架車就會打冷震，同燃燒效率會降低，然後再看看引擎四周圍同底部同外面皮帶輪部位有無大量油漬

，如果有即係話有漏油，不過都要睇車齡，十幾年車同埋如幾千元車價有小小漏油都係正常既，再看看引擎前方外面皮帶輪順時帶的皮帶有冇表面損毁裂痕

，再抽出油尺，用鼻聞一聞有無燒焦的味道。

如果有即係話潤滑油曾經大量上過汽缸，俗稱潤滑油上盤，即係表示引擎活塞環已磨損，如一切正常然後撻着引擎，留意2003年後好多車都已改用新款電子點火，已經可以做到一撻即着，即係表示四衝程引擎

360度轉兩個圈，引擎即刻着就表示良好正常，如果轉多幾個圈先至撻得着，即係表示燃油噴注或點火時間出現問題，如上述情況無出現,暫時引擎睇落正常同好精神，咁就出街行行先，入D波開車，現今普遍流行四前速自動波箱，眼望住道路再望着轉數錶

，腳踏油門正常速度開車，當然依家要開冷氣啦，留意住起步大約1500至2000轉左右轉數錶行車，而轉數錶會根據速度瞬間降一降即係自動變跳去二波兩秒後再降一降表示已經跳去三波幾秒後又再降一降已經跳去四波，進入高速公路太約車速在一百公里轉數keep 住二千轉左右，轉數同公里成正比例是正常，然後駛入市內收油因為自動變速波箱都有減速作用，當收油時會自動降低波當會有輕微chok一chok舉個例子，由四降至三時轉數錶會升一升，由三降二又會升一升，由二降至一又會升一升，合共三次直至停車一刻如果有就係正常，即係表示自動變速波箱一切正常，再搵條斜路行一行，在鈄路中央停一停

不要拉手掣亦不要踩腳掣睇吓有無流後，(注意如果無段變速係會有流後的現象)如果太斜會有小小流後是正常的，再開車睇吓夠唔夠力起步如果可以，再落斜感覺吓架車自動變速波箱有無減速和小小拖住的感覺，如果有就係正常，再用後波倒車上斜，如果無問題，證明引擎同自動變速箱都一切正常，但最好反反覆覆測試多幾次以上程序，今次講住咁多先,下次教大家睇埋其他野。

選擇二手車之前第一 章

選擇二手車之前,當然要睇下銀包 預算幾多， 通常去車行或上網28car朋友介紹更好 ，選擇品牌型號 好緊要，如果選擇二手日本品牌汽車，日後維修保養零件便宜好多，但係車價相對較貴 ，選擇二手歐洲車，車價 較便宜 ，但維修同零件相當昂貴，又大食，坊間車房好多都唔識 整歐洲車， 所以車價比較平 ，舉個例當年賣幾十萬一部04年平治ML320 ，現時出面賣緊三萬左右，而買部日本04年當年賣十幾萬豐田，可能現在賣緊四萬，因為維修便宜零件平， 所以價錢會比歐洲二手車還要貴，選擇年份好緊要，年份越新越好， 因為好似人一樣會老,機件一樣會老化，約時間地點睇車，憑我多年碰過釘吃過虧的睇車經驗，一定要求車主在停車場睇車重要係凍車時睇 即係凍冰冰 ，當然去到架車面前梗係睇下車身先，有冇花同凹陷，合唔合適自己的口味， 打開車頭冚下圖片

， 但係叫車主睇左先不要著引擎一定要凍車睇，如果唔係好難睇到，車輛的問題 例如水箱 變速箱，因為熱車時引擎室異常高溫 ，用手無法觸 摸零件,亦無法打開水箱蓋睇唔到有冇水，高温度時亦切勿強行打開水箱蓋很危險，如果強行打開熱水會噴出 ，所以凍車時就可以打開水箱蓋下圖片

，打開後發現冇水 即係話引擎燒了封邊膠所以食水或漏水此時此刻 走為上著下圖片

，如果有水就要睇清楚，是否綠色或粉色下圖片

( 綠色或粉紅色 係水箱防凍劑 有螢光作用 的 顏色) 同帶清晰 冇油浮面這個引擎同水箱冷卻水路代表下圖片正常

，但如果看見有水 好污濁油浮面鐵銹水 這台引擎可能以前修理過水路或開始 漏水下圖片 

   

外面有好多古惑招數，都在约睇車前加水，睇完水箱就睇水喉正前方有兩條大约直徑兩至三吋大小的黑色水喉下圖片

，但用肉眼睇唔到有冇老化，所以要用手大力按壓 用耳朵聽聽有冇逼逼迫迫的聲音如果有 即係膠喉已老化，如果冇聲同好柔軟就正常，睇完水喉就到睇變速波箱， 由於現時流行自動波             下圖片

， 所以教大家睇自動波波箱，點解要凍車睇， 因為好多有問題波箱 都係凍車時先會發生問題 ，例如入D波有劇烈震盪或 踩油門架車不動不向前行 ，或要等數秒或數分鐘先可向前行， 即係表示波箱有問題內裏油路淤塞或零件損毀， 所以一定要凍車先試到， 如果熱車睇因為 波箱油 已到達工作溫度 油路淤塞情況可能係間歇性遮蓋了問題， 好多時外面的車房 用古惑招數都會著定架車，熱過身等你來試車， 遮蓋了凍車的問題，試完OK喎，俾訂金過戶轉名，第二天早上開車架車不動，先知中招，所以一定要凍車試

著車前先聆聽 起動馬達聲音有冇異常噪音，(不要開冷氣)冇就係正常 引擎著了 開始試車 由P至R.N.D.1.2 重複上上落落只有輕微震動是正常，再鬆開手製， 架車正常向前行再入R正常倒後行駛 即係表示這台變速波箱 暫時睇落無問題，當然要出去行車先最準確 ，但等等， 停車再拉手製，記住(不要開冷氣)，出車外把車頭冚打開，再次進車内由於凍車所以 温度標顯示很低溫度 ，等待數分鐘，睇住温度錶上升至温度錶的一半位置，( 有些新款汽車已經冇温度錶) 只有一個寒暑表凍車時係藍色，一到正常温度藍光會熄滅 如溫度過高會變紅色要注意， 等待到溫度錶升高溫度至到一半位置再走出車外打開頭冚睇睇下圖片

電子感應熱度風扇有冇自動運行，如果有再等等，睇睇把風扇有冇自動停 因為把風扇隨著水箱溫度降低會自動停 但係亦又會隨著水溫升高會自動運轉 ，因為汽車引擎要用水膽保持一定工作溫度, 凍車時水膽會 關閉控制水流量可以加 快引擎達到工作温度(KEEP TEMP.)當達到温度就會打開，引擎在正常狀態下運轉時，「水溫計」的指針會指著中央刻度板的附近，冷卻水的適溫為「80～85℃」所以風扇會自動停同自動開，再次睇温度錶都係在一半位置， 在反反覆覆睇多幾次 如果風扇停開停開水溫冇升幅都在一半位置 ，這台機器非常正常 ，先前點解叫大家關冷氣，因為如果開冷氣把電子風扇 就會長期運轉， 測試唔到電子感應溫度風扇零件是否正常， 又講番外面車房的蠱惑招數 電恆溫風扇壞了，就開著冷氣俾客人試車，呢部車好夠凍架！係喎 ， 交易完成，第二日冇開冷氣開車 恆溫風扇 熱度感應電子零件原來係壞左 風扇唔識自己著 ，熱度不斷上升，最後水滾茶靚要搵拖車，下圖片

( 題外話溫馨提示 ,但係大家如果發現在揸緊自己的車遇到這種情況，熱度不斷升高不妨打開冷氣， 因為冷氣的電源係可以直接開動風扇迂迴了電子恆溫監察路線， 即係話把風扇會長開，除非風扇馬達壞,否則真係可以救回這台引擎一命),今次講住咁多先打字打到手軟,下次要出去行街街試車同教大家睇引擎